兩個月拾獲3部電話全部物歸原主　善心網民︰我好清楚失去的感覺

失而復得的感覺有多好？大埔有網民在兩個月內搭乘交通工具時，先後拾獲3部手提電話，亦全部物歸原主，令他們失而復得。最近一次他在巴士上拾得電話，隨即於網上群組發帖尋失主，網民都留言讚揚他的善心。

一名姓林的網民於facebook群組「Tai Po 大埔」發帖稱，自己兩個月執到3部電話，「呢3位幸運兒恭喜你地（哋）啦，又係落係（喺）我既（嘅）手上啦」。今次在巴士上有人遺下電話，他請失主聯絡他取回，又叫失主下次搭巴士小心，以免失去電話才想到入面有珍貴的東西，更笑說只能約在大埔交收。

他後來留言指電話原來屬於他所乘巴士的車長，他拾得電話後便下車，之後收到車長家人的來電，請他將電話交給下一班車的車長帶到站頭，待機主到站頭取回電話。

網民留言大讚他的好人好事︰

大埔街坊有愛，路不拾遺！

原來跌電話個人都可以好好彩，好彩在因為比（畀）你執到，然後可以失而復得

拾得電話的網民原來曾經遺失電話及床單，因此深知失去的感覺，他留言說︰

將心比己啦，那些年我唔見床單都係人地（哋）令我失而復得，所以我好清楚失去左（咗）既（嘅）感覺。